Veurzitter Henk Janssen

Zoeëas beej iddere vereiniging is ouk beej De Törvers nao ein aantal jaore de vergriezing waat toegeslage. Neet det det erg is (aafgezeen dan veur de grièze luuj zelf), maar ‘t beteikent toch det van dees minse de inzetmeugelikhede veur ós gezelschap waat gaon aafneme. 

Aevel, juus dees aldere leje hebbe dök ein groeët aantal jaore actief in gezelschap meigedreid en zeej hebbe behalve vuul ervaring ouk ein groeëte emotionele binding mit ós gezelschap. 

Daorum is op ein gegaeve moment beslaote de leeje die minstes 11 jaor actief lid zien en behoefte hebbe um ‘t waat kalmer aan te doon, op te neme in de  11+ kemissie. Det hilt in det dees leeje alle rechte hebbe die andere leeje ouk hebbe. Dees 11+ leje hebbe aevel gen verplichting mier um zitting te neme in de Raod van Elf en hove neet mier actief deil te neme aan andere activiteite. Zeej meuge det aevel waal en me zuut dan ouk det inkele leje van de 11+ kemissie toch nog zitting hebbe in ein van de andere kemissies.

De 11+ kemissie besteit noow in 2019 oét 11 leje. Zeej organiseert idder jaor ein beejeinkóms met t nieje Törvers dreejspan met eur dames um eur te vertelle euver de Törvers en eur gebroeëke.