Steur de webmeister een mailtje
Loeëte te koup veur de BBB loeëterie
Gelökkig
Niejaor !!
Niejaorsresepsie
Idder jaor, begin jannewari, hilt VG De Törvers veur eur leje ein Niejaorsresepsie in vereinigingslokaal De Windmeule en waal op zaoterdaagaovend. Dees resepsie is inkel toegankelik veur de Törvers-leeje met eur partners. Veur alle andere minse wuurt namelik op de zóndaag daonao ein Niejaorsresepsie gehalde die georganiseerd wuurt door vereiniginge in de Heilig Hartperochie. Ouk dees resepsie vindt plaats in De Windmeule.
 
De Törvers Niejaorsresepsie is ein neet verkleide, gezellige beejeinkóms van de kómplete Törversfemielie.  't Besteit oet mekaar ein zalig Niejaor winse en oet 't inneme van ein hepke en ein klepke. Neteurlik wuurt d’r ouk stevig gegis nao de name van 't nieje Trio in 't nieje jaor. Maar 't is gelökkig nog noeëts gebeurd det de juuste name d’r oet kwame. En zoeë huurt det ouk!
 
De organiserende 11+ kemissie beschik veur dees aktiviteit euver ein eige budget, mak aafspraoke met De Windmeule en zörg veur de oetnuuëdiginge.
En gezag meug waere det 't altied harstikke gezellig is.