Steur de webmeister een mailtje
Loeëte te koup veur de BBB loeëterie
Gelökkig
Niejaor !!
Ut waas ut jaor 1985 wie Ald-Prins Jan van Mullekom en zien Adjudante Sjraar Collin en Wielke Hendrickx op 't idee kwame um met z’n alle eine feesaovend te organisere. Zoeë gezag, zoeë gedaon. Met z’n alle toge zeej nao de Krómme Schuuver, wao eine kaegelaovend woort georganiseerd. In 1986 haet 't nieje Trio det nog ens euvergedaon en waal in De Groethof in 't Ven. Dit waas de gebaorte van waat me noow de jaorlikse Trio-aovend neump.
 
Wie geit det in zien werk?
Van 't Trio van 't Vastelaovesjaor wao-in ut oetkump, wuurt verwach det 't eine aovend organiseert veur de res van De Törvers. Meistal wuurt d’r ein thema verbónde aan deze aovend. Ein kleine opsómming van thema’s die al veurbeej kwame: western, Azië, luchvaart, Tirol, roulette, ald-Hollandse spelle, jaore 80, fantasie en gank zoeë maar door. Dit beteikent veur 't Trio einen berg werk boete 't Vastelaovesgebeure um. Det meug aevel de pret neet drökke, waat waal meug blieke oet 't gegaeve det 't idder jaor weer fantastisch is waat d’r door 't aan de beurt ziende Trio oet d’n aek wuurt gedreid.
 
Gehiel in stiel waere de gaste verwach in ein lokasie. Bekans altičd is det De Windmeule. Met stiel kint geej dinke aan kleierdrach passend beej 't gekaoze thema. D’r mót gezag waere det det haos altied idderein lök.













Geej kint óg neteurlik waal veurstelle det d’r thoes de nuuëdige verkleidpartieje plaatsvinde en det d’r ouk hiel waat aafgelache wuurt. De zaal wao dit alles zich aafspeult is dan gans umgetoverd, aansloetend  beej 't thema van d’n aovend. Ouk det is idder jaor weer geweldig um te zeen.
 
Is idderein einmaol binne en zien alle kreasies bewónderd, dan wuurt d’n aovend geäöpend  door d’n Hoeëgheid, waonao 't fees ech kint beginne. Ein fees waat steeds opniej bol steit van gezelligheid, schaele wazel, lekker aete en drinke.
Tot zoeëvaer ein klein wäördje euver d’n Trio-aovend.
Wae wet, meug geej dit waal eine kier organisere?!
Haopelik meuge weej nog vuuel van dees feeste meimake!
Italiaanse aovend in 2005
Bayrische feste in 2002
truuk nao 't laeve van alledaag 2008
danse in de maot 2006
Punkers oet de jaore 80
3 van de 4 tops
Halloween in 2004
De jaore 80 in 2003
Wie 't is, wie 't waas en wie 't waere zal 2007
Bayrische feste in 2002
11 van 11 in 2012
2014
Trio Aovend
Disco in 2011