Steur de webmeister een mailtje
Loeëte te koup veur de BBB loeëterie
Gelökkig
Niejaor !!
Chef de protocol
Chef de Protocol stelt zich veur

Miene naam is Rob Aerts en ik heb de zwaore taak um nao 22 jaor Herman Huskes op te volge as Chef de Protocol. Gelökkig heb ik de letste paar jaor mei kinne dreie en haet Herman mich vuuel gelierd. ‘Baas’ bedank!

Ik bin in 2002 beej De Törvers gekómme. Toen woort mich al snel gelierd det de Vastelaovend, en zeker de Venlose Vastelaovend, ein prachtig spel is van klatergold waat nog moejer wuurt as se 't volges waat regelkes speuls. En det is noow dus ouk mien taak, de regelkes, oftewaal ut protocol,  in de gater halde.

De Chef de Protocol druueg zörg veur de handhaving van 't protocol tiedes zittinge en resepsies. Hae druueg zörg veur de begeleiding van 't Trio beej optraejes boeteshoes en beej eige interne aktiviteite.

Hae is de rechterhand van Vors Törvius en verrich in opdrach van de Vors allerlei hand- en spandeenste. Ouk regelt hae, in samenwerking met de joekskemissie, zake die betrekking hebbe op optraejes van artieste tiedes de zittinge.

Hae deent op de huuegte te zien van programma’s tiedens eige zittinge. Veur de zittinge guuef de Chef de Protocol dao toe Vors Törvius en ouk de Sirremoniemeister 't dreibook. De Chef de Protocol wuurt door de leje gekaoze nao kandidaatstelling door 't bestuur.

Met vrintelike groete,

Rob Aerts
Rob Aerts
Chef de protocol