Steur de webmeister een mailtje
Loeëte te koup veur de BBB loeëterie
Gelökkig
Niejaor !!
Dees kemissie is in 2007 in ut laeve gerope mit as doel de Benders Bizóndere Boetezitting te organisere.
In 2004 kwaam op Jocushofbal Geert Benders oet as Prins Geert d’n twieëde mit zien adjudante René (Opheij) en Frank (Poeth).

As verrassing hadde de meidewerkers van de Plus de köp beejein gestaoke um waat veur eure baas in 't gare te hange. Ein tent woort geheurd en waat zengers en zangeresse kwaame um d’n Hoeëgheid beej ziene eige winkel te verrasse.

Ouk de joekskepel van adjudant Frank waas van de partie en zörgde veur remmiedemmie vanaaf 't plat daak baove de winkel. 't Trio van De Törvers, Prins Bart d’n ierste mit Roy en Wim dae beej de Readshop werk, makde eur opwachting en same met 't dreejspan van Jocus ginge zeej in polonaise euver 't plein en door de winkel 't daak op.
Rob Borghans

Veurzitter BBB kemissie
Vors Törvius stónd met inkele Törvers 't ein en ander te bekieke, wie hae met ein van de bestuursleje door Prins Geert nao baove woort gerope. Al praotende woort al vreej snel gezag dit mótte weej dökker doon en zoeë gezag zoeë gedaon.

In 't naojaor van 2004 stoke inkele minse van Plus Benders en van VG De Törvers de köp beej mekaar en woorte de ierste liene veur de twieëde Bizóndere Benders Boetezitting oetgezat.

Ein tradiesie waas gebaore! en zien inmiddels al aan de 11e editie begós. De BBB kemissie draag d'r zörg veur det alles in gooje bane wuurt geleid.
BBB Kemissie