Steur de webmeister een mailtje
Loeëte te koup veur de BBB loeëterie
Gelökkig
Niejaor !!
Kay Wackers

Veurzitter
Dees kemissie geit d’r veur um alles waat binne VG De Törvers wuurt georganiseerd nao boete toe oet te drage. Det kin op allerhande  wies. Daobeej velt te dinke aan 't make van de poster veur de Prinse- en Seniorezitting en 't make van entreebewieze. Inmiddels is det letste oetgegreujd tot ein bookwerkske met ein prissentasie van de artieste die optraeje tiedes de zitting.

Ouk 't make van breefpepeer en de ald pepeerkalender behuurt tot de take van de kemissie. Op vuuel plaatse haet dae kalender al naovolging gekrege!
Beej al dees werkzaamhede is ZeroPlex ózze gooje begeleider en drökker. Op mier dan veurbaeldige wies zörg dees drökkerie veur ein zier fraai rissultaat.

Vaerder verzörg de P&P-kemissie de publikasie van al ós aktiviteite in de waek- en daagblade en regelt zeej de verkoup van de kaarte veur de Seniore Zitting en de Groeëte Zitting. De vergaderinge same met ós zustervereniginge waere ouk meistal bezóch door ein lid van dees kemissie, meistal same met ein bestuurslid.

Neteurlik mak de kemissie al mier dan elf jaor ein eige Vastelaovesblaad ónder de naam 't Törfke. Heej waere alle verhaole van 't meis recente jaor in opgeteikend. Ein blaad det op de niejaorsresepsie oetkump en wao idderein binne de Törversfemielie nao očtkiek. Ouk door 't nieje Trio wuurt ein stök geschreve. 't ičrste Törfke wuurt idder jaor očtgereik aan emus binne De Törvers dae zich op bizóndere wies verdeenstelik haet gemak veur 't gezelschap.

Um alles good vas te legge verzörg de kemissie ouk de foto’s die waere gemak tiedes alle aktiviteite. Det geit taegeswoordig mit d’n digitale camera.
En gans van dezen tied is de internetpagina die VG De Törvers nog bekinder kint make. 't Is ein middel um idderein te laote zeen wao weej as gezelschap mei bezig zien. Zoeë gebroeke weej ouk de moderne media um ós gezelschap nao boete oet te drage!

De P&P-kemissie besteit al haos vanaaf 't begin van VG De Törvers, maar sinds 1987 haet de kemissie ein vaste plaats gekrege binne 't gezelschap. Moch d’r gestart zien met twieë persoeëne, noow besteit de kemissie allewiels oet 11 persoëne die de ganse klus klaore.
Klup blaad - 't Törfke -
van de aafgelaope jaore
P&P Kemissie