Steur de webmeister een mailtje
Loeëte te koup veur de BBB loeëterie
Gelökkig
Niejaor !!
Törversleed
In
Törversleed
‘t Óntstaon van ‘t Törvers jubileumleed.

Tiedes de jaorvergadering van de Ald Prinse Klup krege de óndergeteikende de opdrach van de vergadering um te kieke nao ’n passend jubileumkedo veur VG de Törvers dit ter gelaegenheid van eur 44 jaor bestaon.
Weej ware d’r snel oet en hadde ein kwant idee, aevel kós det finansjeel neet allein door de ald prinse gedrage waere. Euverleg met ‘t ald prinse bestuur, die ‘t idee ouk kwant vónde, bood oetkóms!
Zeej ginge kieke of d’r andere gruupkes mei woele doon met ‘t kedo.
‘t Waas fijn det ald prins Marcel I as veurzitter van de ald prinse de Törversvruikes, ald adjudante en gemeinschapshoes de Windmeule mei kreeg um same ‘n jubileumkedo aan te baeje.

Waat veural kwant waas, is det dees groepe jao gezag hebbe zónder det ze wiste waat ‘t kedo zoel waere en ouk vaerder niks gevraog hebbe, Marcel had eur allein gezag det ‘t ein “uniek kedo” zoel zien!
Wie idderein akkoord waas kóste we aan de slaag. D’n hičr Frans Pollux woort gevraog um ’n jubileumleed te schrieve. Al vreej snel hadde weej de wäörd en meziek binne en steurde Frans ein ingezónge file met de vraog wae ‘t leed zoel gaon zinge. Frans goof aan, det ‘t hiel leuk zoel zien as det “artieste” van de Törvers zelf zoele zien! Heejveur benaderde weej Nancy van de Törversvruikes, Marcel en Heini van de Törvers.
Enthousiast zoeëas zeej ware begóste zeej te oefene en woort ouk nog de hölp van Marianne Maessen-Scherion ingerope. D’n hier Jan Theelen waas inmiddels drök aan ‘t werk en schreef de arrangementen. Op ‘nne zóndaag toge weej richting Munster-Gelaen um ‘t leed op te neme. Dit gebeurde op ein spontane professionele wies beej studio Theelen.

Op 25 november tiedes de jubileumresepsie kóste weej met ein delegasie van de geneumde groepe ‘t kedo aanbaeje. De wäörd woorte aangebaoje en tiedes ‘t oetpakke sprónge de zengers en zangeres de buun op um ‘t leed veur ‘t iers ten gehure te bringe, de verassing waas groeët en geslaag! Met vuuel enthousiasme woort ‘t leed óntvange!

Met dank aan de hiere Frans Pollux, Jan en Mano Theelen hebben de Törversvruikes, Ald prinse, Ald Adjudante en gemeinschapshoes de Windmeule ein prach jubileumkedo kinne aanbaeje.

Vuuel plezeer mit óg Törversleed,

Ald prins Hay II en ald prins Frits I