Steur de webmeister een mailtje
Loeëte te koup veur de BBB loeëterie
Gelökkig
Niejaor !!
As 't aan de veer stadsdeelvereiniginge (Venloosch Vastelaoves Gezelschap Jocus, Bliëricks Vastelaovesgezelschap De Wortelepin, Vastelaoves Gezelsjap D’n Oeles en Carnavalsvereiniging "De Belhamels") van de gemeinte Venlo leet, löp idderein de kômmende vastelaovestiéd rônd mit "D’n Opstaeker".
 

"D’n Opstaeker" is ein soort speldje, dit jaor ôntworpe door beeldend kunstaenares Monique Bruls, det jäörliks zal truukkômme en det steit veur ein dreejtal zake; einen bliék van waardering veur de vuule vreejwilligers die alle saort vastelaovesactiviteite organisere in Groët Venlo; einen bliék van betrokkenheid mit de vastelaovend en eine financiëlen opstaeker veur de vastelaovesvereiniginge in de gemeinte Venlo.
 

"D’n Opstaeker" is ein initiatief van de Raod van Elf van Venloosch Vastelaoveschgezelschap Jocus wao alle andere vastelaovesvereiniginge in de gemeinte Venlo aan meidoon. ‘t Idee ôntstônd aafgelaupe miërt in Basel, wao ‘t bestuur van Jocus vastelaovend 2004 evalueerde. In Basel, wao de vastelaovend traditiegetrouw ein waek later velt, bliek idderein, dae vastelaovend viert, ein insigne te drage, dao Plaquette geneump. Auk in staej wie Kölle en Düsseldorp zien dergelike speldjes te kaup.

Op 11 november zulle de vorste van Jocus, de Wortelepin, d’n Oeles en de Belhamels um 10.15 oor ein euvereinkôms euver "D’n Opstaeker" teikene in kefee De Vergulde Gaper. Um 11.11 oor waere de vorste ôntvange op ‘t Venlose stadhoés wao börgemeister Schrijen ‘t iérste exemplaar zal kaupe van Vors Joeccius XI. De bedoeling is det alle vastelaovesvereiniginge van Groét Venlo ‘t vastelaovesinsigne gaon verkaupe. "D’n Opstaeker" kôs 5 euro. De verkaup vindt plaats ônder auspiciën van de 4 stadsdeilvereiniginge, die as inisjator verantwaordelik zien veur de speld.
2005
2005
Opstaeker 2005