Steur de webmeister een mailtje
Loeëte te koup veur de BBB loeëterie
Gelökkig
Niejaor !!

De Bliërickse baeldend kunstenaer Albert Grosfeld (gebaore op 2 augustus 1931) haet dit jaor "d'n Opstaeker 2006" ontworpe. Oétintelik hebbe de veer vastelaovesvereniginge:Venloosch Vastelaoves Gezelschap Jocus, Bliëricks Vastelaovesgezelschap De Wortelepin, Vastelaoves Gezelsjap D'n Oeles en Carnavalsvereiniging "De Belhamels" oét de zes ontwerpe van Grosfeld "unne vastelaoveskop" gekaoze. 't Is 'nne kop van 'n kloon waobeej de veer stadsdeile van de gemeinte Venlo in de twië auge, de mond, de neus en in de muts, haor en kraag van de kloon tot oétdrökking komme.


Albert Grosfeld neump zichzelf ein twië dimensionaal vreej kunstenaer, dae veural landschappelijke werke mak. Hae schildert veurnamelik mit aolieverf, aquarel en biester (gemale asfalt!).

Al 55 jaor is Grosfeld kunstenaer. Hae begôs zien carričre in 1949 op de Jan van Eyck Academie in Mestreech, naodat hae iërs ein orthopedische opleiding haet afgemak. Vaerder haet hae lesgegaeve op ‘t Nationaal Hoger Instituut veur Schoëne Kunste in Antwerpen.

Ein van de hoëgtepunte oét zien carričre waas de haufpries van Europa in 1993 veur docente die werke mit nieje technieke.
Grosfeld zaet zelf neet ein zoëdanig actieve vastelaovesvierder te zien: "Ik drink mich leever un pilske in un röstig kefeeke". Maar hae geneet van de kreatieve oétinge van dit culturele gebeure. Zelf haet hae jaorelang vastelaoveswages gebouwd. En in fibberwarie 2006 zulle doézende vastelaovesvierders door de gemeinte Venlo trekke mit Grosfelds "Opstaeker" op de revers.
2006
Opstaeker 2006