Steur de webmeister een mailtje
Loeëte te koup veur de BBB loeëterie
Gelökkig
Niejaor !!
De Belfeldse baeldend kunstenaer Geert Kunen haet veur de kômmende vastelaovend "d'n Opstaeker™ 2008" ontwôrpe. Oét 'n zevetal ideeje hebbe Jocus, De Wortelepin, d’n Oeles en De Belhamels 't oétintelikke ontwerp gekaoze. 't Zien veer maskes. Kunen, dae de gekaoze schets 'n keteer veur de deadline teikende, zaet heejeuver det idder stadsdeil zelf zien eige maske meug keeze. "Um probleme te veurkômme", lach de gebaore Belfeldenaer.

"D'n Opstaeker™" is 'n soort broche dae steit veur 'n dreejtal zake; 'n bliék van waardering veur de vuule vreejwilligers die allerlei vastelaovesaktiviteite organisere in ‘Groët Venlo’; 'n bliék van betrokkeheid mit de vastelaovend en 'n finansjeele opstaeker veur de vastelaovesvereiniginge in de Gemeinte Venlo. De veer stadsdeilvereinigingen van de Gemeinte Venlo haope det de inwoëners, net wie andere jaore, weer massaal deze vastelaovesbroche zulle kaupe um daomei de vastelaovesaktiviteiten van de diverse vereinigen te ondersteunen.

Kunen is zelf 'n fervente vastelaovesvierder. "Ik doon heej in Belfeld aan alles mei. Van 't begin wies 't ind". As de vastelaovend zich aandeent, dan begint 't beej de kunstenaer te kriebele. Zelf is hae steunend lid van de Belhamels en haet hae al dökker meigedaon mit de leedjesaovend. “Mit vastelaovend blief ik in Belfeld. Ik vind 't heerlijk um mit idderein 'n präötje te make. 't Hiele dörp hingk dan aan mekaar. Det mak vastelaovend zoë uniek”.

Geert Kunen is 'n autodidact. Wie vuule kinder waas auk hae gefascineerd door klei. Hae ging keramiek ontwerpe in de plaatselijke keramische industrie. Door zelfschoëling haet hae zich steeds wiejer ontwikkeld. Kunen mak zowaal realistische as moderne baelde. Opvallend is de bronze en gôlde laog dae op de sculpture zit. "Ik smeer de figure mit gôld of brons in. 't Is 'n pure geveulskwestie dae ik in veer jaor heb ontwikkeld". 't Guf de keramische baelde 'n metaalachtig uuterlijk.
2008
Opstaeker 2008