Steur de webmeister een mailtje
Loeëte te koup veur de BBB loeëterie
Gelökkig
Niejaor !!
De Venlose beeldhouwer Hans Reijnders haet veur de kômmende vastelaovend d’n Opstaeker ontwôrpe. Oét ‘n aantal ideeje hebbe Jocus, De Wortelepin, d’n Oeles en De Belhamels ‘t oétintelikke ontwerp gekaoze. ‘t Zien veer visse die zich te good doon aan hieringslaaj. “’t ‘hieringschelle’ is ‘n moeije tradisie dae ôs veurbereid op de vastetied”, zaet Reijnders. De veer visse stellen de veer stadsdeile van de gemeinte Venlo veur. “Asse good kieks zuusse nog ‘n klein viske taege de struim inzwumme. Det is de toekomstige deilgemeinte Arcen/Velden”.

D’n Opstaeker is ‘n soort broche dae steit veur ‘n dreejtal zake: ‘n bliek van waardering veur de vuule vreejwilligers die allerlei vastelaovesaktiviteiten organisere in Venlo, Bliërick, Tegele en Belvend; ‘n bliek van betrokkeheid beej de vastelaovend en ‘n finansjiele opstaeker veur de vastelaovesvereiniginge. De veer stadsdeilvereiniginge van de gemeinte Venlo haope det de inwoëners, net wie veurgaonde jaore, weer massaal dees vastelaovesbroche zulle kaupe um daomei de vastelaovesaktiviteiten van de diverse vereiniginge te ondersteune.

Reinders is zelf ‘n fervente vastelaovesvierder. “Ik heb jaorelangk mit de Venlose optoch meigelaupe. In de jaore ‘70 heb ik veur Jocus ‘t ontwerp veur de prinse- en raodswage gemak”. Volges de Venlose kunstenaer haet de vastelaovend altied beej ‘n gekriebeld. Ook toen ik studeerde aan de Academie in Amsterdam. “’t Waas ‘n heerlik geveul um dich dan in ‘t Venlose fees te storte. ‘t Contras waas groët as ik dan zondaag ‘s-aoves weer in ‘n klinische trein stapde op waeg nao Amsterdam”.
2009
Opstaeker 2009