Steur de webmeister een mailtje
Loeëte te koup veur de BBB loeëterie
Gelökkig
Niejaor !!
Beeldhouwer Hay Smeets haet veur de kómmende Vastelaovend "d'n Opstaeker 2015" óntworpe. Names de Wortelepin haet veurzitter Rien Meijer dit jaor de ier um eine kunstenaer veur te drage oet naam van alle vief de stadsdeilvereiniginge. D'n hier Smeets reageerde verras. "Ik vind 't bezónder um de ier te kriege um d'n elfde Opstaeker te meuge óntwerpe", zaet Smeets. "Ik kan zegge det ik hiel wat middage heb bestaejd um ein aantal óntwerpe te make".

Oetintelik haet de jury, die besteit oet ein aafvaardiging van Jocus, de Wortelepin, d'n Oeles, de Belhamels en de Keieschiéters, ein winnend óntwerp gekaoze. Ein kloonsgezich mit ein tróm mit drumstekke die ein elf symbolisere.
D'n Opstaeker is ein saort broche die steit veur ein dreejtal zake: ein bliek van waardering veur de vule vreejwilligers die allerlei Vastelaovesactiviteite organisere in de stadsdeile Venlo Blierick, Tegele, Belfeld en Arce en Velde; ein bliek van betrokkeheid mit de vastelaovend en eine financiële opstaeker veur alle vastelaoves vereiniginge in deze regio. De vief stadsdeilvereiniginge van de gemeinte Venlo haope det de inwoeëners, net as verleje jaor, weer massaal dees vastelaovesbroche zulle koupe um zoeë de verschillende vastelaovesactiviteite van de diverse vereiniginge te óndersteune.

Hay Smeets is op 9 jannewari 1934 gebaore in Venlo. Hae haet vruger ein aannemersbedrijf gehad en is later begónne mit La Vita Sana, ein sportschoeël in Blierick, die noow door zien twieë zeuns wuurt gerund. "Eigelik heb ik noeët tied gehad veur 't make van beelde maar óngevier tieën jaor geleje bin ik begónne mit eine cursus beeldhouwe beej Hans Reijnders".

Noow is Smeets haos iddere middaag te vinde in zien blokhut in d'n haof, wao hae veural beelde oet marmer mak. Daobeej schildert hae ouk. Volges zien vrouw haet 't artistieke altied in eure man gezaete maar door zien werk waas d'r noeët tied veur. "Hae vónd 't vruger altied fijn um verschillende musea te bezeuke. Det doon weej nog altied," aldus zien vrouw. Smeets is d'r gruuets op det hae d'n elfde Opstaeker haet meuge óntwerpe. Hae en zien vrouw staon mit vastelaovend neet mier op de taofels, "maar weej kinne d'r zoeë van genete as d'r tiedes d'n optoch ein moeëje groep of wage veurbeejkump."

(Bron: Jocus.nl)
2015
Opstaeker 2015