Steur de webmeister een mailtje
Loeëte te koup veur de BBB loeëterie
Gelökkig
Niejaor !!
Opstaeker 2019
Baeldend kunstenaer Fons Schobbers oét Venlo haet veur de kômmende vastelaovend ‘d’n Opstaeker?? 2019’ ôntworpe. Veurzitter Roel Versleijen van Venloosch Vastelaoves Gezelschap Jocus vroog Schobbers um dit jaor oét naam van alle viéf de stadsdeilvereiniginge d’n Opstaeker van 2019 te ôntwerpe. Zien ôntwerp is ein ode aan de kômponiste en teksschriévers.

“De meziék is d’n drager van de vastelaovend, ‘t verbindt ôs. ’t Is Heerlik um in de veurjaorszon veur ein kefee mit bekinde en ônbekinde same dees leedjes te zinge. Ik vond ‘t iërvol, um dit jaar d’n Opstaeker te meuge ôntwerpe."

Vastelaovend is ein fantastisch fees det zich mit name door ôs vastelaovesleedjes ônderscheid van alle andere feeste. ‘Jônk en ald’ zingk allemaol same’ en de leedjes waere van generatie op generatie doorgegaeve, geweldig moei.” aldus Schobbers, dae zelf lid waas van de ‘Oëits Haos Prinse’ en waal 35 kiër mit d’n optocht haet meigelaupe, dök as ‘faatse’ of mit ein klein gruupke.

‘D’n Opstaeker??’ is ein saort broche dae steit veur dreej zake; einen bliék van waardering veur de vreejwilligers die allerlei vastelaovesactiviteiten organisere in de stadsdeile Venlo, Bliërick, Tegele, Belvend en Aarce en Velden; einen bliék van betrokkeheid mit de vastelaovend en eine financiële opstaeker veur alle vastelaovesvereiniginge oét de gemeinte. De viéf stadsdeilsvereiniginge van de gemeinte Venlo haope det de inwoëners, net wie ’t veurig jaor, weer massaal deze vastelaovesbroche zulle kaupe um zoë de verschillende vastelaovesactiviteite van de vereiniginge te ôndersteune.

D’n Opstaeker?? 2019 zal op d’n Elfde van d’n Elfde waere geprissenteerd. Vanaaf dae’n datum is hae auk te kaup beej de verschillende vastelaovesvereiniginge en tiédes de verschillende vastelaovesactiviteite.

BRON:  jocusvenlo.nl
2019