Borde Törversriek geplaats same met Prinses Nellie van de Wachtpost

Op zóndaag 21 jannewari zien door 't Törvers Dreejspan en Törfkes Dreejspan de Törversriek borde geplaats op de rotónde veur de kerk. Zeej woorte aangenaam verras door Prinses Nellie I Camps van de Wachtpost

Prissentasie nieje Törvers teikening

Op de niejaorsresepsie van ós gezelschap zien weej verras gewaore met ein schoeën teikening van ós gezelschap. Ein teikening gemak door Leon Peeters wao in De Törfkes en Törvers op ein ludieke meneer te kiek waere gezatte.

Fijn det geej heej op dees kwante website van Vastelaovesgezelschap De Törvers ziet terech gekómme. Weej as Törvers doon idder jaor ós bes um de Vastelaovend in ós Heilig Hartparochie in iere te halde en ‘t schoeëne det Vastelaovend idder jaor weer brink euver te bringe op de bezeukers van ós evenemente.

Waat beej ós as Törvers hoeëg in t vaan steit is det weej de dinger die weej doon ouk altied same doon en zeker gruuets zien op waat weej idder jaor weer meuge bringe. ‘t Veult beej ós wie ein groeëte femielie en dees femielie steit dan ouk daag en nach veur mekaar klaor. ‘t Moeje beej ós um te zeen det ós alde generatie de jónge generatie de tradities liert en det jónge generatie de alde generatie kinnis luuet make met d’n tied van noow.

​Idder jaor tiedes de Vastelaovend zörge weej as Törvers weer veur remmiedemmie in ós parochie en bringe veur idder waat. Zoeë hebbe weej ós Bal Unique-kwant en sjiek met as klapstök ‘t oetrope van ós Dreejspan, ós Törverszitting, de Plök d'n Daag zitting en neteurlik de Benders Bizóndere Boetezitting in samewerking met Jumbo Benders.

Kiek gerös vaeder op dees site um te zeen wae weej zien en waat we allemaol nog mier doon en anders halde weej óg waal op de huuegte via de social media.

Dank nogmaols veur óg intresse in Vastelaovesgezelschap De Törvers, maar baove-al geneet van waat Vastelaovend ós idder jaor weer brink.

Vors Törvius