Gojen daag allemaol,

Weej zien Jeug Vastelaoves Gezelschap De Törfkes, opgerich in mei 2020 en jeugtak van VG De Törvers.

Net as De Törvers hebbe weej ós hónk in Gemeinschapshoes de Windmeule aan de Straolsewaeg. Umdet d’r in ós H. Hert Perochie gen jeug Vastelaovesvereiniging is ginge weej op zeuk nao jeug die same Vastelaovend wille viere.

Ein kwant en enthousias gezelschap is ontstaon det de jeugvastelaovend niej laeve in geit blaoze en zich geit laote zeen in ós wiek en in groeët Venlo.

Helaas door de Corona maotregele kóste weej ós in 2022 neet gans in groeët Venlo laote zeen maar waat weej kóste doon hebben weej gedaon! Namelik veur ‘t iers ós nieje tradisie ‘t ‘vlag heise’ in ós wiek in ‘t laeve gerope en hebbe weej ós tiedes de kinderoptoch in de binnestad kinne presentere.

In 2023 zölle weej ós ierste Törfkes jeugbal organisere en kinne weej intelik ós aller ierste Törfkes Dreejspan van 2022 oétrope. Dus kom kieke kom kieke!

Weej zien allein aktief tiedes de Vastelaovend maar ouk door ‘t jaor haer organisere weej veur ós jeug andere aktiviteite.

Bisse tösse de 8 en 18 jaor en vind se ‘t leuk om met ós mei te doon of wilt geej mier van ós weite dan vind geej ós op: www.detorvers.nl, op Facebook en Instagram of via dees site in de kontakte. Wilse dich direk aanmeldde den kin det via onderstaonde link.

Jeuglid waere?

Wilse lid waere van JVG De Törfkes? Klik dan heej.

Eine joeksige groet en wies snel!

JVG De Törfkes

Deze afbeelding heeft een leeg alt-attribuut; de bestandsnaam is JVG-DE-TORFKES-hoge-jpg-resolutie-1-1024x971.jpg