Geweldige prieze

Idder jaor op de Benders Bizóndere Boetezitting wuurt de trekking gehalde van de Törvers Loeëterie. Ónder toezich van de notaris waere de prieze getrokke. Met dees loeëterie steunt geej De Törvers en kinne weej d'r zörg veur drage det weej met dees financieële beejdrage Vastelaoves aktiviteite kinne blieve organisere veur de minse in ós wiek.

De loeëterie is gewaes, kiek heejónder of geej eine pries heb gewónne

Oetslaag

Priesoetreiking BBB Loeëterie 2023

De 3 houfprieze van de Törversloeëterie waere idder jaor beej de BBB op de buun getrokke door d’n hier Martens van Riverdael notarisse. De gewónne priéze waere de waeke nao de vastelaovend beej de winnaers thoes gebrach.

De houfprieze waere zaoterdaags dreej waeke nao de vastelaovend feestelik oetgereik beej Jumbo Benders. De prieswinnaers en eur sponsors waere met kóffie en vlaai óntvange in de kantine. Daonao waere de prieze op ‘t Gelreplein veur de winkel oetgereik.