Inventarisere, behere en ónderhalde
Eine Törver zónder attribute is neet te herkinne as eine echten Törver.
Daorum wille weej as Törvers d’r altied good op staon as weej nao boete traeje tiedes ‘t Vastelaoves seizoen. De taak van de Attribute Kemissie is dan ouk um zörg te dragen veur ‘t ónderhald van de diverse attribute,
Ten ierste hebben we de Törversmuts. Elk lid van ós vereiniging krieg ein muts in broeklieën die met waerdigheid wuurt gedrage.
Dees mutse waere al jaor en daag met de hand gemak in Pruuses.
Wiejer haet de Attribute Kemissie de nóndejukes en pochetjes in beheer.
In opdrach van de prinsekemissie zörg de Attribute Kemissie ouk det ‘t dreejspan veurzeen wuurt van schoeëne mantels, en de Hoeëgheid van ein paar schoeën vaere op de muts, en neteurlik geld det ouk veur de Vors.
Ondanks det ‘t binne noeëts raegent valle de paraplu’s ouk ónder dees Kemissie.
Weej as Törvers drage ós verkrege ónderscheidinge neet rechstreeks op de smoking maar die hange fijn aan ein zoeëgeneumde spange ( kump vanoet de Schutzeverein van Pruuses) ouk dit is ónder beheer van de Attribute Kemissie.
Al met al ein Kemissie die d’r veur zörg det idderen Törvers good veur d’n daag kump.
