11+ Kemissie einen houp ervaring
Net as alle minse bereike ouk Törvers de pensioengerechtigde laeftied. Beej de Törvers is det as zeej 60 jaor zien en minstens 11 jaor beej ‘t gezelschap. Zeej kinne zich dan aanmelde veur de 11+Kemissie. Die kemissie haet tot taak te bevordere det leje - ouk as zeej gaondewaeg minder aktief deil (kinne) neme aan de Törversaktiviteite -betrokke blieve beej de Törvers
De 11+ leje hebbe, behalve betale van kontribusie gen verplichtinge. Maar zeej hebbe alle rechte en meuge alles mei doon. Zeej kinne take blieve vervölle binne bestuur en andere Törver kemissies.
Op dit moment is genne van de nege 11+ leje ech met pensioen. Ze neme allemaol deil aan kemissies of hebbe andere take.
‘t Bestuur kin ein beroop doon op de 11+ Kemissie umdet die, vanwaege eur lange staot van deens, weite waorum ós gezelschap zoeë functioneert.
Daorum organiseert de 11+ Kemissie ouk idder jaor ein beejeinkóms met ‘t nieje dreejspan um eur euver de Törvers te vertelle.
