Prinse Kemissie - Wae zal 't waere, wae zal 't zien?
De Prinse Kemissie besteid oet dreej leeje waovan de vors altied zitting haet, de euverige leje hebbe zes jaor zitting maar traeje noeëts same aaf zoeë is continuïteid gewaarborg en is de PK verzekerd van frisse iedeje. `t doel van òs kemissie zal idderein duudelik zien, weej zeuke idder jaor ein dreejspan.
In oktober kump de PK beejein um met wat name die de dreej leje hebbe, aan de slaag te gaon. Oetintlik zal d`r eine naam euverblieve, de vors benadert deze persoeën en vruueg um of hae hoeëgheid beej De Törvers wilt waere. Deze man krieg ein aantal dage bedinktied, haet hae daonao jao gezag dan geit de PK met um aan taofel zitte en verterld um wat weej van um verwachte waat `t inheld en waat `t ongeveer geit koste. Dan vraog ik nog eine kier:” wilste nog altied Prins waere”. Is `t antwoord nog altied jao, dan gaon we same met de toekomstige Prins de adjudante oetzeuke daobeej wuurd ongeveer dezelfde procedure gevolg.
De vraog is dök “wao mót eine prins aan voldoon” heejónder volge inkele criteria, hae mót
· Venloos kinne praote.
· De vastelaovend hoeëg in `t vaan hebbe staon.
· Passe binne ózze gezelschap.
· Ein gans jaor beschikbaar zien.
Waat krieg hae dao veur truuk ?
· Ein onvergaetelik jaor.
· Ongeveer 100 vrinde en vrindinne.
Al met al is `t mier as de meujte waert um Prins te zien beej VG De Törvers, vraog det maar aan de ald prinse.
