Joeks Kemissie - Wae kump d'r zinge?
Idder jaor kump beej de Bal Unique ut nieje Dreejspan oet. De Prinsekemissie haet eur werk fantastisch veurbereid. Det oetrope gebeurt tiedes eine waanzinnige aovend, vol met kwalitatief gooj artieste oet gans Limburg.
Deze groeëte zittingsaovend wuurt oet d’n aek gedreid door de Joekskemissie. De leje van dees kemissie hebbe al jaore goje kóntakte met de ras-artieste in Venlo en wieëd daoboete. De meiste wachte op ein tillefoontje van ós kemissie (ahum…dinke weej…..). Dae aovend is bekans altied oetverkoch en wuurt bezóch door joeksige Vastelaovesgekke. Zeej zeen en hure de winnende Venlose leedjes, twieë buuttereedners en muzikale groepe.
Ouk de Seniore-zitting wuurt samegesteld door de Joekskemissie. Ein genot um te zeen det idderein in d’n Törftempel aan ‘t genete is. En de artieste genete ouk…!
Ik bin zoeë gruuets wie eine paerdskeutel um beej dees kemissie te meuge zien!
