Mien ierste jaor as Vors
Ik zal michzelf iers ens kort veurstelle. Ik bin Tygo Cuijpers, ik bin 16 jaor ald en zit op dit moment in mien ierste jaor van mien opleiding Handel en óndernemerschap. In miene vrejen tied kins se mich regelmaotig vinde in de handbalzaal. Ik speul zelf regelmaotig, maar ouk gaef ik training aan de jeugd van de vereiniging. Ik woeën in Venlo-zuid, same met miene pap, mam, broor en zuske. Mien elders kint geej waal. Miene pap is Vors Törvius en mien mam penningmeister van De Törfkes.
Ik vind ‘t ein ier um kómmende Vastelaoves seizoene de taak als Vors op mich te neme. Ik heb al efkes meuge preuve wie ‘t is beej de vorstewissel en twieë seizoene geleje moch ik eine kier invalle veur Lieke, noow de aldvors. Det vónd ik al tóf um mei te make aevel ‘t echte werk mót nog kómme neteurlik. Ik kin neet wachte um ‘t niej Dreejspan oet te rope.
Weej zeen ós gauw genóg in De Windmeule.
Met joeksige groet,
JeugVors Törvius
Tygo Cuijpers
