Ald pepeer kemissie - Veur as iddere kilo telt
Hoewaal de Ald Pepeer Kemissie de kleinste kemissie is, de kemissie besteit oet slechs éin lid, is ‘t metein waal de belangriekste kemissie waat inkómste veur ós vereiniging betref, terwiel weej euver de koste neet hove te praote. Sinds jaore zamele weej same zoeë ald pepeer in.
Wies veur eine gas jaor haer haolde weej ut pepeer ens per zes waeke op. Met auto’s ginge weej de perochie rónd en weej hadde ‘t pepeer waal dreej kier in de hand veur det ‘t intelik in de containers terech kwaam. Meistal krege weej dreej of veer van die groeëte bek vol. Vaerder hadde weej nog ein garage, wao tössedoor ‘t pepeer gestald kós waere. Ouk boete ós eige perochie woort ‘t pepeer opgehaold, waat ouk weer veur de nuuedige kilo’s zörgde.
Taegeswaordig dene weej ein aanvraog in beej de gemeinte Venlo veur ein vergunning veur ‘t inzamele van ald pepeer. Door ‘t college wuurt goodkeuring verstrek en taeves de route en vergoeding vasgesteld. Daobeej meuge weej dan gebroek make van perswages. Twieë perswages rieje rónd en met behölp van ach Törvers (veer achter iddere wage) wuurt de klus geklaord. Weej kómme um nege oor beej de kerk beejein en kiere zoeë rónd half twieë meug maar voldaon weer hoeswaarts. Meistal is einen Törver dreej kier per jaor aan de beurt um mei te loupe.
Idder jaor kinne de leeje eur winse beej de kemissie neerlegge, waonao de kemissie ein schema mak. Dit wuurt ut aan de leeje oetgereik en nao akkoord as definitief vasgesteld. ‘t Schema wuurt daonao door de kemissie neet mier veranderd. Wieziginge kinne plaatsvinde door ónderling te ruile, mit kennisgaeving aan de veurzitter van de Ald Pepeer Kemissie.
Zoeë werk dees kemissie al jaore op ein plezaerige wies en kinne De Törvers idder jaor ein prachtig program in mekaar zette veur alle bewoeëners van ós wiek en die van dao boete.
